Ինչպես հաղորդում է «BBC»–ին, ՆԱՏՕ–ի  անդամ երկրների պաշտպանության նախարարներն այսօր կքննարկեն Լիբիայի հակամրտության հետ կապված ծրագրերը։

Մասնավորապես քննարկվելու է Լիբիայի տարածքի վրայով թռիչքներն արգելելու հարցը։

Ավելի վաղ ԱՄՆ պաշտպանության նախարար Ռոբերտ Գեյթսը հայտարարել էր, թե նման բան ապահովելու համար անհրաժեշտ է նախ հատուկ գործողություններ իրականցնել Լիբիայի հակաօդային պաշտպանության զորքերի դեմ։

Բացի դա, Լիբիայի շուրջ իրավիճակը ոչ պաշտոնական մթնոլորտում կքննարկեն նաև Եվրամիության անդամ երկրների արտգործնախարարները։

Լիբիայի՝ ապստամբների վերահսկողության տակ գտնվող շրջանները շարունակվում են ռմբակոծվել, և աշխարհը դրա համար շատ է անհանգստանում։