Ֆրանսիայում, որտեղ ամենաշատ ատոմային էլեկտրակայաններն են, չեն հանդարտվում բողոքի զանգվածային գործողությունները։ Մասնակիցները կարծում են, որ մարդկանց և արդյունաբերությանը էլեկտրաէներգիա մատակարարել կարելի է նաև էներգիայի այլընտրանքային աղբյուրներից։

«Արդեն պարզ է, որ ատոմային էլեկտրակայանները կարող են վտանգավոր դառնալ, և պետք է հիմա լուծել այդ խնդիրը»,–ասել է բողոքի գործողության մասնակիցներից մեկը։

Ֆուկուսիմայի իրադարձություններին հետևում են ամբողջ աշխարհի էներգետիկները։ Գերմանիան և Շվեյցարիան արդեն հայտարարել են իրենց միջուկային ծրագրերի դադարեցման մասին և պնդում են, որ ստեղծվեն այդ ոլորտի ապահովության նոր չափորոշիչներ։