Այսօր առավոտյան Ճապոնիայում մի շարք նոր ցնցումներ են գրանցվել։ Ամենաուժեղ ցնցումի մագնիտուդը հասել է 6–ի։ Երկրաշարժի էպիկենտրոնն այս անգամ եղել է Տոկիոյի մերձակայքում՝ 10 կիլոմետր խորության վրա։

Ականատեսների խոսքերով՝ փողոցներում տատանվել են երկնաքերները, բնակարաններում ընկել է կահույքը, սակայն խոշոր ավերածություններ չեն գրանցվել։ Գրեթե նույն ուժգնության ցնցումներ են նկատվել Հոնսյու կղզու մոտակայքում՝ երկու կիլոմետր խորության վրա։

Ըստ վերջին պաշտոնական տվյալների՝ Ճապոնիայի երկրաշարժը խլել է 3600 մարդու կյանք, իսկ 7500–ը դեռ անհայտ կորած է համարվում։