Լրահոս

16.03.2011 15:34


Ուրուգվայը ճանաչել է Պաղեստինի անկախությունը

Ուրուգվայը միացել է լատինամերիկյան մի շարք պետությունների, որոնք Պաղեստինի ինքնավարությունը ճանաչել են որպես անկախ պետություն։

Ինչպես հաղորդում է «ՌԻԱ Նովոստի» գործակալությունը՝ Ուրուգվայի ԱԳՆ–ն այս որոշման մասին հայտնել է Պաղեստինի իշխանություններին։ Սակայն գերատեսչությունը չի պարզաբանել՝ Ուրուգվայը Պաղեստինի անկախությունը արդյոք 1967թ. սահմաններո՞ւմ է ճանաչել։

Ավելի վաղ Պաղեստինի ինքնավարությունը 1967թ. սահմաններում ճանաչել են Արգենտինան, Չիլին, Բոլիվիան, Էկվադորը, Բրազիլիան, Պարագվայը և Սուրինամը։ Նման հնարավորությունը քննարկում են նաև Մեքսիկան ու Նիկարագուան։

Իսրայելը քննադատում է լատինամերիկայն պետությունների գործողությունները և նրանց կողմից Պաղեստինի ինքնավարության անկախության ճանաչումը համարում է արգելք իսրայելա–պաղեստինյան խաղաղ բանակցությունների ճանապարհին։ ԱՄՆ–ը, իր հերթին, հայտարարել է, թե Պաղեստինի անկախության ճանաչումը վաղաժամ քայլ է։

7or.am

Այս խորագրի վերջին նյութերը