ՀՀ վարչապետ Նիկոլ Փաշինյանի որոշումով Արգիշտի Քյարամյանն ազատվել է Պետական վերահսկողական ծառայության ղեկավարի տեղակալի պաշտոնից։ Վարչապետի մեկ այլ որոշմամբ նա նշանակվել է ՀՀ քննչական կոմիտեի նախագահի տեղակալ:

Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 6-րդ մասով՝ Արգիշտի Քյարամյանին ազատել պետական վերահսկողական ծառայության ղեկավարի տեղակալի պաշտոնից:

Ղեկավարվելով «Հայաստանի Հանրապետության քննչական կոմիտեի մասին» Հայաստանի Հանրապետության օրենքի 20-րդ հոդվածի 4-րդ մասով՝ Արգիշտի Քյարամյանին նշանակել Հայաստանի Հանրապետության քննչական կոմիտեի նախագահի տեղակալ:

Այս մասին նշվում է ՀՀ վարչապետ Նիկոլ Փաշինյանի որոշումներում: