Լիբիայում ոչ թռիչքային գոտի ստեղծելու համար ռազմական գործողություն իրականացնող միջազգային կոալիցիայի օդուժը հարձակում է գործել Լիբիայի առաջնորդ Մուամար Քադաֆիին ենթակա զինված ուժերի ինքնաթիռի վրա։ Այս մասին հաղորդում է «Ռեյթերս» գործակալությունը։

Ինքնաթիռը հարձակման է ենթարկվել, երբ շարժվել է Բենգազի քաղաքի ուղղությամբ, որը համարվում է ապստամբների հենակետը։

Մեկ այլ լրատվական գործակալություն էլ հայտնում է, որ այսօր առավոտյան երկու պայթյուն է գրանցվել Լիբիայի մայրաքաղաք Տրիպոլիում։