Ստամբուլի Էսենլեր թաղամասի շինհրապարակներից մեկում ճաքերի հետևանքով մայիսի 7-ին փլուզում է տեղի ունեցել։

Նշվում է, որ ասֆալտը ճաքեր է տվել փլուզումից մի քանի ժամ առաջ, որի պատճառով խուճապ է սկսվել շինհրապարակին հարակից շենքերի բնակիչների մոտ։ Վերջիններս լքել են իրենց տները, ահազանգելով՝ ոստիկանություն, հրշեջ-փրկարարական ծառայություն, ինչպես նաև Թուրքիայի աղետների և արտակարգ իրավիճակների կառավարման վարչություն (AFAD)։

Փլուզման հետևանքով շինհրապարակի մոտ գտնվող բեռնարկղը (կոնտեյներ) բարձրությունից ցած է գլորվել։ Նյութական և մարդկային կորուստներ չկան։

Աղբյուրը՝ ermenihaber.am