Մարտի 23-ին ժամը 12.10-ին քաղաքացի Մելիքյանից ահազանգ է ստացվել, որ իր վարած ավտոմեքենան Գեղարքու­նի­քի մարզի Նորատուս գյուղի մոտ հայտնվել է ձնաբքի մեջ և անհրաժեշտ է փրկարարների օգնությունը: Դեպքի վայր է մեկնել Մարզային փրկարարական վարչության փրկարար ջոկատը: Տեղում պարզվել է, որ Գավառ-Նորատուս ավտոճանապարհի 8-րդ կմ-ում ձնաբքի մեջ են հայտնվել «Գավառի ԳԳՄ»-ին պատկանող «ՈՒԱԶ-22069» մակնիշի երկու ավտոմեքենա (2 վարորդ):

Հրշեջ-փրկարարների ուժերով ավտոմեքենաները դուրս են բերվել ճանապարհի երթևեկելի հատված:

***

Նույն օրը ժամը ժամը 14.00-ին քաղաքացի Ա.Մնա­ցա­­կանյանից ահա­զանգ է ստացվել, որ իր ավտոմեքենան Վայոց ձորի մարզի Եղեգնաձոր-Ջերմուկ ավտո­ճանա­պար­­հի 52-րդ կմ-ում հայտնվել է ձնակույտի մեջ և անհրաժեշտ է փրկարարների օգ­նու­թյունը:

Դեպքի վայր է մեկնել Մարզային փրկարարական վարչության փրկարար ջոկատը:

Տեղում պարզվել է, որ ձնակույտի մեջ են հայտնվել «Մերսեդես» մակնիշի 11 ՏՍ 855 պետհամարանիշով, «ԶԻԼ-130» մակնիշի 56 ՏՍ 057 պետհամարանիշով, «ԿամԱԶ» մակնիշի 031 ՏՏ 05 պետհամարանիշով և «Ֆորդ Տրանզիտ» մակնիշի 673 ԼՕ 43 պետհամարանիշով ավ­տո­մեքենաները (4 վարորդ):

Փրկարարների ուժերով ավտոմեքենանները դուրս են բերվել ճա­նա­պար­հի երթևեկելի հատված:

***

Նույն օրը ժամը 17.43-ին քաղաքացի Մխիթարյանից ահազանգ է ստացվել, որ իր ավտոմեքենան Սիսիան-Երևան ավ­տոճա­նա­­պար­հի 28-րդ կիլոմետրում` Սառնակունք գյուղի մոտ, հայտնվել է ձնաբքի մեջ և անհրաժեշտ է փրկարարների օգ­նու­թյունը:

Դեպքի վայր է մեկնել մեկ մարտական հաշվարկ:

Մինչև հրշեջ-փրկարարների կանչի վայր հասնելը «Սիսիանի ճանշին» ՓԲԸ-ի աշխատակիցների ուժե­րով ճանապարհի երթևեկելի հատված է դուրս բերվել «Մերսեդես» մակնիշի ավտոմեքենան, որում եղել են վարորդը և չորս ուղևորներ` մեկ կին և 3 երեխա: