Ապրիլի 16-ին /շաբաթ/ Բյուրականի աստղադիտարանի գիտաժողովների դահլիճում տեղի կունենա գիտական լրագրության մեկօրյա սեմինար, որին հրավիրվում են գիտությունը լուսաբանող բոլոր լրագրողները: Կքննարկվեն գիտական լրագրության խնդիրներն աշխարհում և Հայաստանում, լրագրողներին կներկայացվեն տեղեկություններ աստղադիտարանի և  աստղագիտության ներկայիս վիճակի վերաբերյալ, ինչպես նաև աստղագիտության հարակից թեմաներով /տիեզերական թռիչքներ, արտաերկրային քաղաքակրթություններ, պատմա-աստղագիտություն, աստղագուշակություն և այլն/: Կանցկացվի էքսկուրսիա աստղադիտարանով և կկազմակերպվի հյուրասիրություն:

Աստղադիտարանի ավտոբուսը մասնակիցներին Երևանից Բյուրական և հետ կտեղափոխի ՀՀ ԳԱԱ նախագահության շենքի մոտից առավոտյան ժամը 10:00-ին և երեկոյան ժամը 18:00-ին: Մասնակցել ցանկացողներին խնդրվում է գրանցվել` ուղարկելով էլ-նամակ /[email protected]/ կամ գրանցվելով ֆեյսբուքյան էջում համապատասխան միջոցառման տակ: Ցանկացողները կարող են նաև ներկայացնել կարճ զեկուցումներ, որից հետո կկազմվի սեմինարի վերջնական ծրագիրը: