Լրագրողների հետ հանդիպման ժամանակ հոգեբան Կարինե Նալչաջյանը և ազգագրագետ Հրանուշ Խառատյանն անդրադարձել են երկրում առաջացած սոցիալական իրավիճակին և հիասթափության մթնոլորտին:

– Այսօր ժողովուրդը ո՛չ իշխանությանն է վստահում, ո՛չ էլ արդեն ընդդիմությանը: Նա չգիտի, թե ում հետ կապի հավատը վաղվա օրվա հանդեպ,–ասել է Կարինե Նալչաջյանը

Նրա խոսքերով՝ առաջնորդների որոնման նոր փուլ է սկսվելու, և շուտով ականատես ենք լինենլու նոր առաջնորդների առաջ գալու երևույթին: Հրանուշ Խառատյանն էլ նշել է, թե Հայաստանում հուսալքության և հիասթափության մթնոլորտը մեծացրել է արտագաղթի չափերը:

–Ժողովրդի մի մասը հարմարվել է իրավիճակին, մյուսն էլ դիմում է արտագաղթի: Մարդիկ դժգոհությամբ են գնում, ստիպված։ Գաղթ բառն արդեն իսկ ենթադրում է հուսալքության և ցավի խնդիր,–ասել  է նա:

Թե՛ Կարինե Նալչաջյանը, թե՛ Հրանուշ Խառատյանը համոզմունք են հայտնել, որ չնայած երկրում առկա մթնոլորտին՝ փոփոխություններ քաղաքական փոխհարաբերություններում չեն սպասվում:

Ըստ բանախոսների՝ հեղափոխությունը մերի նման երկրի համար կործանարար է, քանի որ մենք պատրաստ չենք դիմակայելու հեղափոխության կանխատեսելի և անկախատեսելի հետևանքներին: