Լիբիայի առաջնորդ Մուամար Քադաֆին բարձրացրել է ոստիկանության իրեն հավատարիմ աշխատակիցների և զինծառայողների կոչումները։ Քադաֆիի ստորագրած համապատասխան կարգադրությունը ընթերցվել է Լիբիայի պետական հեռուստատեսության եթերում։

Նշանակո՞ւմ է դա նաև գումարային համապատասխան բարձրացում, դեռևս հայտնի չէ։

Իր հերթին ամերկյան հրամանատարության բարձրաստիճան ներկայացուցիչ փոխծովակալ Ուիլյամ Գորթնին մարտի 25–ին հայտարարել է, թե իր ունեցած տեղեկություններով՝ Մուամար Քադաֆին «կամավորներին զինում է ընդդիմության հետ պայքարի համար»։

Նա նշել է, որ չի կարծում, թե այդ մարդիկ իսկապես կամավոր են, սակայն հետաքրքիր է համարում զուտ քաղաքացիական բռնության դիմելու փաստը։