ՀՀ ԱԻՆ Սեյսմիկ պաշտպանության տարածքային ծառայությունը պաշտոնապես հայտարարում է, որ ուժեղ երկրաշարժի մասին համացանցում տարածվող տեղեկատվության համար որևէ հիմք չկա:

«Այսօր՝ համացանցում, լուրեր են տարածվել այն մասին, թե Հայաստանի Հանրապետության տարածքում ուժեղ երկրաշարժ է զգացվել: ՀՀ ԱԻՆ Սեյսմիկ պաշտպանության տարածքային ծառայությունը պաշտոնապես հայտարարում է, որ որևէ հիմք չկա նման տեղեկատվություն տարածելու համար, քանի որ վերը նշված երկրաշարժը տեղի է ունեցել 2020 թվականի մայիսի 4-ին՝ Ադրբեջան-Վրաստան սահմանային գոտում, և զգացվել է ՀՀ տարածքում՝ Տավուշի և Լոռու մարզերի բնակավայրերում՝ 2-3 բալ ուժգնությամբ, որի վերաբերյալ սահմանված կարգով կատարվել է հաղորդագրություն։ Խնդրում ենք հետևել բացառապես պաշտոնական հաղորդագրություններին»,-ասված է հայտարարության մեջ: