Ինչ կատարվեց Սահմանադրական դատարանի հետ կարելի է բնութագրել ռուսերեն հայտնի հայտարարությունով՝ против лома нет приема: Սահմանադրական դատարանի մոտ լրագրողների հետ զրույցում հայտարարեց իրավապաշտպան Ավետիք Իշխանյանը:

Իշխանյանի խոսքերով, բիրտ ուժը հաղթեց իրավական մտքին. «Ցավոք սրտի, Հայաստանում քաղաքական բիրտ ուժի դեմ դուրս եկան ոչ թե քաղաքական ուժերը, այլ՝ իրավաբանները՝ մի քանի դատավորներ, ՍԴ անդամներ, փաստաբաններ:

Այդ ամեն ինչի թիկունքում պետք է կանգնեին այն քաղաքական ուժերը, որոնք հռչակել են ժողովրդավարություն, լիբերալիզմ, իրավական պետություն, սակայն նրանք իրավաբաններին թողեցին անպաշտպան:

Եվ ինչ կարող էին անել այդ իրավաբանները, ՍԴ անդամները միայն օրենքներով ու իրավունքով պայքարելով մեծամասնություն ունեցող քաղաքական ուժի հետ, որին ենթարկվում են ուժային կառույցները, քննչական մարմինները, ԿԳԲ-ն, որոնք հանձնարարելով նաև հետապնդումներ է սկսում. «Նրանք պայքարեցին այնքան, որքան կարող էին՝ առանց լուրջ աջակցության՝ ոչ հասարակության ոչ քաղաքական ուժի: Մենք գնում ենք դեպի պետական կառույցի կործանման, որը բերելու է պետության կործանման: Ես շատ վատատես եմ»:

Աղբյուրը՝ analitik.am