Վրաստանի Բաթում նավահանգիստը ժամանակավոր դադարեցրել է աշխատանքը մետաղի ջարդոնում ռադիոակտիվ ճառագայթում հայտնաբերելու հետևանքով։

Ջարդոնը  հայտնաբերվել է երկաթգծի վագոններից մեկում և պետք է բեռնվեր նավ արտասահման ուղարկելու համար։ Դեռ չի հայտնվում սակայն, թե որ երկիր արտահանելու համար էր նախատեսված մետաղի ջարդոնը։

Նավահանգստում են փրկարարների  մի քանի խմբեր և ռադիացիոն անվտանգության փորձագետներ։

Բաթումի նավահանգիստ տանող բոլոր ճանապարհները փակվել են, բոլոր աշխատակիցները տարհանվել են։

Ռադիացիայի աղբյուրի հայտնաբերման աշխատանքները դեռ չեն սկսվել։ Բաթումում սպասում են Թբիլիսիի փորձագետների հատուկ խմբին։