Լրահոս

08.04.2011 13:57


ՀՀԿ–ական. «Եվ դուք հավատում եք, որ 200 հազ. մարդ կհավաքվի, իշխանություններն էլ կհեռանան, հա՞»

ՀՀԿ–ական. «Եվ դուք հավատում եք, որ 200 հազ. մարդ կհավաքվի, իշխանություններն էլ կհեռանան, հա՞»

«Ինչպե՞ս կվերաբերվի իշխանությունը ընդդիմադիր նոր ճակատի ստեղծմանը» հարցին ի պատասխան՝ «Հենարան» ակումբում ԱԺ ՀՀԿ խմբակցության պատգամավոր Գագիկ Մելիքյանն ասել է.

Իշխանությունը ցանկացած ճակատի ստեղծմանը վերաբերվում է դրականորեն, և եթե ինչ–որ քաղաքական ուժեր կարողանում են իրենց համար խմբավորումներ, դաշինքներ ձևավորել ու դրանցով գնալ առաջիկա ընտրություններին, ես դա բացարձակ բնական եմ համարում քաղաքականության մեջ և որևէ խնդիր չեմ տեսնում դրա մեջ։

Իշխանություն–ընդդիմություն համագործակցությանն անդրադառնալով՝ նա նշել է, թե ինքը համագործակցության եզրեր տեսնում է բոլոր քաղաքական ուժերի միջև և կարծում է, որ դա դրական ազդեցություն կարող է ունենալ ՀՀ ներքաղաքական վիճակի վրա։

Որևէ մեկը չի բացառում, որ իշխանության և ընդդիմության միջև քաղաքական եզրերը կամ քաղաքական կամուրջներն այրված են, և դա տեղի չպետք է ունենա, կամ որ դա ընդհանրապես խիստ բացասական երևույթ է։ Ընդհակառակը, դա բավական դրական երևույթ է,–ասել է Գ. Մելիքյանն ու հավելել, որ համագործակցությունը տեսնում է ցանկացած ձևի  մեջ՝ տնտեսական, սոցիալական առաջարկությունների և այլն։ Նման համագործակցություն, նրա խոսքերով, խորհրդարանական ընդդիմության հետ իրականացվում է։

ՀԱԿ հանրահավաքի մեջ որևէ վճռորոշ բան Գագիկ Մելիքյանը չի տեսնում, իսկ ինչ վերաբերում է ՀԱԿ ներկայացուցիչների հայտարարությանը, թե 200 հազ. մարդ հավաքվելու դեպքում իշխանությունները կհեռանան, նա ասել է.

Եվ դուք հավատում եք, որ 200 հազ. մարդ կհավաքվի, իշխանություններն էլ անպայման պետք է հեռանան, հա՞։ Ես դա կբնորոշեի որպես ժողովրդին հավաքելու հերթական արկածախնդիր առաջարկություն։

7or.am

Այս խորագրի վերջին նյութերը