Օրերս ՕԵԿ նախագահ Արթուր Բաղդասարյանը «Ազատություն» ռադիոկայանին տված հարցազրույցում չէր բացառել, որ ՕԵԿ-ը խորհրդարանական ընտրություններին կարող են մասնակցել կոալիցիայի հետ միասնական ցուցակով:

Մեկնաբանելով կոալիցիոն միասնական ցուցակով ընտրություններին հանդես գալը, ՀՀԿ փոխնախագահ Ռազմիկ Զոհրաբյանը «7օր»-ին ասել է, որ առանձին կամ միասնական մասնակցելու վերաբերյալ որևէ պաշտոնական որոշում դեռ չկա.

-Ամեն դեպքում առանձին էլ գնան, թե ցուցակով` կոալիցիան միասնական է: Մենք ՕԵԿ-ի հետ կոալիցիայի մեջ ենք և խնդիր չեմ տեսնում։

Անդրադառնալով միասնական ցուցակի պարագայում «հին ՀՀԿ-ականների» ցուցակից դուրս մնալու վերաբերյալ մտավախությանը Ռազմիկ Զոհրաբյանն ասել է.

-Այսօրվա ցուցակում էլ կան մարդիկ, որ ՀՀԿ անդամ չեն, պարզապես մեր խմբակցության անդամ են, պարզապես մեր ցուցակով են առաջադրվել: Այդտեղ չեմ տեսնում որևէ… պարզապես այնպես չլինի, որ կողքից մտնողներն ավելի շատ լինեն, քան Հանրապետականը: Այդ դեպքում խնդիր կլինի:

7or.am