Երաժշտության ասպարեզում  նշանակալի ներդրման համար բրիտանացի երգչուհի, «Eurythmics» դուետի նախկին անդամ Էննի Լենոքսին «Արծաթե բանալի» (Silver Clef award) պատվավոր մրցանակ է շնորհվել։ Այս մասին հաղորդում է «BBC»–ն։ Մրցանակի բաշխման արարողությունը տեղի կունենա հուլիսի 1–ին Լոնդոնում։

«Արծաթե բանալի» բարեգործական մրցանակաբաշխությունը սահմանվել է 1976թ., երեխաներին և մեծահասակներին երաժշտական թերապիայի միջոցով բուժող «Nordoff-Robbins» կազմակերպության համար գումար հավաքելու նպատակով։ Այս մրցանակին ավելի վաղ արժանացել էին այնպիսի հայտնի երաժիշտներ և խմբեր, ինչպիսիք են Փոլ Մաքքարթնին, Դևիդ Բոուին, Սթինգը, Էլթոն Ջոնը, Ռոբերթ Փլանթը, Էրիկ Քլեփթոնը, «Pink Floyd»–ը, «Aerosmith»–ը և այլն։