Ամերիկյան Keeping Up With the Kardashians իրապատում շոուի ամերիկահայ աստղ Քիմ Քարդաշյանը զվարճալի ֆոտոշարքով ցուցադրել է, թե ինչպես է ավարտվել իր երկու դուստրերի՝ յոթամյա Նորթի և երկամյա Չիկագոյի ֆոտոսեսիան, գրում է Daily Mail-ը։

39-ամյա Քարդաշյանն Instagram-ում հրապարակել է երկու դուստրերի նոր լուսանկարները՝ հավելելով, որ իրենց կազմակերպած մինի- ֆոտոսեսիան, մեղմ ասած, «լավ ավարտ չի ունեցել»։

«Իմ աղջիկները ցանկանում էին այս ցանկապատի վրա նստած միասին ֆոտոսեսիա անել։ Թերթեք նկարները, որպեսզի տեսնեք, թե այն ինչով ավարտվեց»,-գրել է իրապատում շոուի աստղը։

Լուսանկարներից մեկում կանաչ ծառերի դիմաց՝ փայտե ցանկապատին նստած Նորթը և Չիկագոն ժպտում են տեսախցիկին։ Մյուս լուսանկարում յոթամյա Նորթը քրոջը փորձում է սովորեցնել, թե ինչ դիրք ընդունի լուսանկարվելու համար։ Իսկ ահա վերջին լուսանկարում փոքրիկները կորցրել են հավասարակշռությունը և հայտնվել գետնին։

Աղբյուրը՝ tert.am