Բելառուսի առողջապահության նախարարությունից «ԲԵԼՏԱ»–ի թղթակցին հայտնել են, որ Մինսկի մետրոյում տեղի ունեցած պայթյունի հետևանքով զոհվածների թիվը հասել է 13–ի։

Այսօր առավոտվա տնյալներով՝ հիվանդանոցներում ստացիոնար բուժում է ստանում 161 մարդ, մեկ հիվանդ մահացել է։ Հիվանդանոց տեղափոխվածներից ծանր վիճակում է 21–ը, միջին ծանրության է բնուրոշվում 28–ի և թեթև ծանրության՝ 112–ի վիճակը։

Հիշեցնենք, որ Մինսկի մետրոյի «Հոկտեմբերյան» կայարանի ահաբեկչությունը կատարվել է ապրիլի 11–ին՝ տեղի ժամանակով 17։58–ին։