Ինչպես հաղորդում են թուրքական ԶԼՄ–ները, Կարսի հայ և թուրք ժողովուրդների բարեկամությունը խորհրդանշող «Մարդկության և խաղաղության» հուշարձանը ապամոնտաժվում է։

Հիշեցնենք, որ արձանի ապամոնտաժման հարցն առաջ է քաշվել հունվարին, այն ժամանակ, երբ Թուրքիայի  վարչապետ Ռեջեփ Թայիփ Էրդողանը իր Կարս կատարած այցի ընթացքում այս արձանը «հրեշավոր» է անվանել և կարգադրել անհապաղ քանդել։ Երկու ամիս առաջ էլ Կարսի քաղաքապետարանի խորհրդի նիստում էլ  19 կողմ և 4 դեմ ձայների հարաբերակցությամբ վճռվել էր արձանն ապամոնտաժել։

Այսօր արդեն արձանի շուրջ տեխնիկա է տեղադրվել՝ մաս առ մաս հուշարձանը քանդելու  համար։