Օդային տագնապ ազդանշանը տրվում է շչակներով, միասնական տեղեկատվական շտաբում հրավիրված մամուլի ասուլիսին հայտարարեց ԱԻՆ Փրկարար ծառայության քաղաքացիական պաշտպանության վարչության պետ Էդան Սնգրյանը։

«Եթե գտնվում եք տանը, անհրաժեշտ է հնարավորինս կարճ ժամանակահատվածում վերցնել ձեզ հետ առաջին անհրաժեշտության իրեր, սնունդ, ջուր, փաստաթղթեր, առանց խուճապի մատնվելու ուղևորվեք դեպի մերձակա պաշտպանական կառույցները»,-ասաց Էդան Սնգրյանը։

Նա նշեց, որ դրսում գտնելու դեպքում պետք է անհապաղ գնահատել իրավիճակը, առանց խուճապի մատնվելու որոշել ամենաապահով տարածքը, ուղևորվել պաշտպանական կառույցները։

Տրանսպորտային միջոցներում գտնվողներին էլ ԱԻն պաշտոնյան հիշեցրեց՝ անվտանգ կանգնեցնել տրանսպորտային միջոցները, դուրս գալ տրանսպորտային միջոցներից և հնարավորինս կարճ ճանապարհով ուղևերվել մերձակա պաշտպանական կառույցները։

Աղբյուրը՝ aysor.am