ՄԱԿ–ի գլխավոր քարտուղար Պան Գի Մունը Սիրիայի ղեկավարությանը կոչ է արել դադարեցնել հակակառավարական ցույցերի մասնակիցների նկատմամբ ուժի կիրառումը։

ՄԱԿ–ի գլխավոր քարտուղարը, այցով գտնվելով Մոսկվայում, Սիրիայի իշխանություններին հիշեցրել է մարդու իրավունքների միջազգային չափորոշիչների, այդ թվում՝ ազատ արտահայտվելու ու խաղաղ ցույցերի, ինչպես նաև մամուլի ազատության իրավունքները հարգելու պարտավորության մասին։

«ՌԻԱ նովոստի»–ն գրում է, որ Բարաք Օբաման հայտարարել է, թե ԱՄՆ–ը Սիրիայի առաջնորդ Բաշար Ասադին կոչ է արել հաշվի առնել ցուցարարների պահանջները և դադարեցնել ուժի կիրառումը ցուցարարների նկատմամբ։