Աշխարհի  ԶԼՄ–ներն իրենց կարծիքն են հայտնել հայ–թուրքական հարաբերությունների և Կարսում հայ–թուրքական բարեկամությունը խորհրդանշող հուշարձանի  կազմաքանդման վերաբերյալ։

–Ըստ  էության՝ Կարսի հայ–թուրքական բարեկամությունը  խորհրդանշող հուշարձանի քանդմամբ հայ–թուրքական հարաբերությունների կարգավորման գործում վերջակետ դրվեց,–գրել է  ֆրանսիական «Liberation» պարբերականը։

«Wall Street Journal» պարբերականն էլ գրում է, թե Կարսի հուշարձանի  կազմաքանդումը ցույց է տալիս, թե որքան է սառեցված  հայ–թուրքական հարաբերությունների կարգավորումը։

–Հայ–թուրքական բարեկամությունը քանդվեց Կարսի հուշարձանի հետ,–գրել է «The Independent»–ը։

Նշենք նաև, որ ապրիլի 28–ին ավարտվում  են Կարսի հայ և թուրք ժողովուրդների բարեկամությունը խորհրդանշող հուշարձանի  կազմաքանդման աշախատանքները, որոնք  կատարվում են Ստամբուլից բերված  հատուկ տեխնիկայով։

Ինչպես հաղորում են թուրքական ԶԼՄ–ները, կազմաքանդումն իրականացնող ընկերության ներկայացուցիչ Ռեիս Կարակոչն ասել է, թե  արձանը  կտոր–կոտոր է արվելու և բաժանվելու 18 մասի։