Լրագրողների հետ հանդիպման ժամանակ ՀՀԿ  խմբակցության պատգամավոր, ԱԺ ֆինանսավարկային և բյուջետային հարցերի մշտական հանձնաժողովի նախագահ Գագիկ Մինասյանը, անդրադառնալով ԱՎԾ–ի  հրապարակած՝ 2011թ. առաջին եռամսյակի տվյալներին, ասել է, թե ի տարբերություն նախորդ տարիների՝ ԱՎԾ-ն տալիս է ոչ թե կուտակային տվյալներ, այլ յուրաքանչյուր ամսվա կտրվածքով՝ նախորդ տարվա նույն ամսվա համեմատությամբ:

–ՀՆԱ–ի կառուցվածքն էականորեն փոխվել է, որտեղ մեծ մասնաբաժին ունի ադյունաբերությունը:  Ամենամեծ աճը մարտին արձանագրել է արդյունաբերությունը: Կան դրական տեղաշարժեր արտահանման և ներմուծման  բնագավառում: Բարձր գնաճը` 11,5%,  պայմանավորված է նաև արտաքին գործոնով. արտաքին շուկայում պարենային ապրանքների գներն աճել են,–ասել  է նա:

Ըստ  Գագիկ Մինասյանի՝ պետք է քայլեր ձեռնարկել, որպեսզի մեր տնտեսությունը կախված չլինի արտաքին ճնշումներից:

–Այս ուղղությամբ աշխատանքներ են  իրականացվում գյուղատնտեսության բնագավառում: Մենք նպատակ ունենք էապես կրճատելու գնաճը,–ընդգծել է նա: