Աշխարհ

03.12.2020 14:51


«Էրդողանի վերջնական նպատակը սեփական կայսրություն ստեղծելն է, սակայն դժվար թե հասցնի». Եվգենի Սատանովսկի

«Էրդողանի վերջնական նպատակը սեփական կայսրություն ստեղծելն է, սակայն դժվար թե հասցնի». Եվգենի Սատանովսկի

Թուրքիայի արտգործնախարար Մևլութ Չավուշօղլուն իր ուկրանացի գործընկերոջ` Դմիտրի Կուլեբայի հետ բանակցություններից հետո, ասել է, որ Անկարան Կիևին աջակցում է «Ղրիմյան հարթակ» նախաձեռնությունում: Մինչդեռ Թուրքիայի նախագահ Ռեջեփ Թայիփ Էրդողանը հայտարարել էր Ղրիմը՝ որպես ռուսական տարածք չճանաչելու և Ղրիմի թաթարներին աջակցելու մտադրության մասին:

Ինչպես նշում է Журналистская Правда-ն, «Ղրիմյան հարթակ»-ն Ուկրաինայի՝ Ղրիմը վերադարձնելուն ուղղված նախաձեռնություն է:

Ռուս արևելագետ և տնտեսագետ, Մերձավոր Արևելքի քաղաքականության և տնտեսագիտության առաջատար մասնագետներից մեկը համարվող Եվգենի Սատանովսկին Журналистская Правда-ին տված հարցազրույցում նշել է, որ Էրդողանը կայսերական մտադրություններ ունի, որոնք, սակայն, չի հասցնի իրականացնել:

«Տվյալ պարագայում Էրդողանը մշակում է Ուկրաինայի մասով իր ցանկությունները: Սա ինքնատիպ հաճոյախոսություն է Կիևին այն մասին, որ Ուկրաինան միայնակ չէ աշխարհում: Էրդողանի վերջնական նպատակը սեփական կայսրություն ստեղծելն է, որտեղ ինքը սուլթան կլինի: Դժվար թե կարողանա և հասցնի, սակայն փորձում է: Այդ ամենին հետևելը բավական զվարճալի է»,-ասել է Սատանովսկին:

Միևնույն ժամանակ նա ընդգծել է, որ, ինչպես երևում է, Ռուսաստանը չի պատրաստվում արձագանքել և Թուրքիայից հետ վերցնել Արևելյան Անատոլիան (Արևմտյան Հայաստանի պատմաաշխարհագրական տարածքը):

«Թվում է՝ մեր ղեկավարները չեն ցանկանում պատերազմել»,-եզրափակել է Սատանովսկին:

Աղբյուրը՝ tert.am

Այս խորագրի վերջին նյութերը