Մայիսի 9–ին Ստամբուլում մեկնարկելու է ամենացածր զարգացվածություն ունեցող երկների հարցով ՄԱԿ–ի 4–րդ խորհրդաժողովը։ Այն անց է կացվում 10 տարին մեկ։ Խորհրդաժողովին մասնակցելու են 50 երկրների և կառավարությունների ղեկավարներ, միջազգային կազմակերպությունների ներկայացուցիչներ և պաշտոնատար այլ անձինք։

Ըստ թուրքական լրատվամիջոցների՝ Հայաստանի և Իսրայելի նախագահներ Սերժ Սարգսյանը և Շիմոն Պերեսը պաշտոնապես հրաժարվել են մասնակցել այդ խորհրդաժողովին։ Այս մասին հայտնել է Թուրքիայի ԱԳՆ պաշտոնական ներկայացուցիչ Սելջուկ Ունալը։ Նա նշել է, որ այդ երկրները պատվիրակություններ չեն ուղարկի Ստամբուլ։ Այդուհանդերձ, հայկական կողմը պաշտոնապես դեռ չի հայտարարել խորհրդաժողովին մասնակցելուց հրաժարվելու մասին։

7or.am