Եվրոպական Միությունը շարունակում է մտահոգություն հայտնել Ռուսաստանում մարդու իրավունքների իրավիճակի, մասնավորապես՝ լրագրողների և իրավապաշտպանների սպանության համար անպատժելիության կապակցությամբ։ Այս մասին ասվում է Մոսկվայում ԵՄ–ի ներկայացուցչության տարածած մամուլի հաղորդագրության մեջ։ Մտահոգություն է արտահայտվում նաև Ռուսաստանում ազգային խտրականության և այլատյացության, սեռական փոքրամասնությունների իրավունքների, քաղաքացիություն չունեցող անձանց, ազատ խոսքի իրավունքի կապակցությամբ։