Աշխարհ

24.12.2020 14:58


ՌԴ ԱԳՆ շենքից 1 մլն դոլար են գողացել

ՌԴ ԱԳՆ շենքից 1 մլն դոլար են գողացել

Մոսկվայում ՌԴ ԱԳՆ շենքից տարբեր արժույթով մեկ միլիոն դոլար են գողացել: Դեպքը տեղի է ունեցել գրեթե մեկ տարի առաջ։ «Լուրերի դաշնային գործակալության» աղբյուրի տվյալներով՝ կասկածյալներից մեկը ԱԳՆ-ի աշխատակցուհին է, մյուսը՝ նրա զուգընկերը։

Նշվում է, որ 2019 թվականի դեկտեմբերին Իրանից դիվանագիտական փոստով 1,5 մլն դոլար է ուղարկվել։ Այդ գումարի երկու երրորդն անհետացել է երկու շաբաթ անց։ Պարզվել է՝ ԱԳՆ աշխատակցուհին գումարը տուն է տարել և փոխանցել իր զուգընկերոջը։ Մեկ օր անց ԱԳՆ-ի աշխատակիցը ձերբակալվել է գողության կասկածանքով, իսկ նրա զուգընկերը՝ մեղսակցության։

Մեկ տարվա ընթացքում իրավապահ մարմինների աշխատակիցները հետաքննել են գործը։ Այդ ընթացքում գլխավոր կասկածյալին կալանքի տակ պահելու խափանման միջոցը փոխել են տնային կալանքի, իսկ ավելի ուշ՝ երկրից չհեռանալու մասին ստորագրությամբ։ Նրա զուգընկերը փոխել է կարգավիճակը՝ կասկածյալից դառնալով վկա։ Կորած գումարը դեռևս չի հայտնաբերվել, հաղորդում է աղբյուրը։

Աղբյուրը՝ tert.am

Այս խորագրի վերջին նյութերը