Աշխարհ

26.12.2020 15:19


ՌԴ անվտանգության դաշնային ծառայությունն ահաբեկչություն է կանխել Մախաչկալայում

ՌԴ անվտանգության դաշնային ծառայությունն ահաբեկչություն է կանխել Մախաչկալայում

Ռուսաստանի Դաշնության անվտանգության դաշնային ծառայության աշխատակիցները, Ներքին գործերի նախարարության հետ համատեղ ահաբեկչություն են կանխել Մախաչկալայում: Այս մասին հայտնում է ՌԻԱ Նովոստին:

«Խմբավորման մասնակիցները ծրագրում էին պայթուցիկ օգտագործել իրավապահ մարմինների վարչական շենքերից մեկի մոտ և զինված հարձակում գործել Դաղստանի ՆԳՆ աշխատակիցների վրա»,-հայտնել է ԱԴԾ-ն:

Նշվում է, որ դեկտեմբերի 25-ին ուժայինները ձերբակալել են «Իսլամական պետություն» միջազգային ահաբեկչական խմբավորման 4 անդամի: Նրանց կացարանում հայտնաբերվել է հրազեն, սառը զենքեր և զինամթերք: Ահաբեկչական խմբավորման անդամների հեռախոսներում հայտնաբերվել են արտասահմանում գտնվող համակարգողների հետ նամակագրություններ:

Չորս կասկածյալների նկատմամբ հարուցվել է քրեական գործ:

Աղբյուրը՝ 168.am

Այս խորագրի վերջին նյութերը