Չէր կարելի Եռաբլուրում ծափ տալ, ծիծաղել, դրանից մեր վիճակը ավելի վատացավ: «Զինվորի մայր» հասարակական կազմակերպության անդամ, զոհվածի մայր տիկին Լաուրան հոկտեմբերի 19-ին նույնպես Եռաբլուրում կանգնած էր, որպեսզի վարչապետին չթույլատրեր մուտքը Եռաբլուր:

Սակայն մինչև այժմ նա ապշած է կատարվածից:

«Մենք զգում էինք, որ մեզ կխփեն և խփեցին, մինչև ես կպտտվեի տիկին Մրագարիտայի կողմ, շշով խփեցին տիկին Մարգարիտայի գլխին, ինքը ձեռքերով պաշտպանվեց: Ես մինչև նայեցի, էդ խփողն անմիջապես կորավ: Իմ ցավը գիտե՞ք որն է, էդ ոհմակին ինչի էր բերել Փաշինյանը, ինքը թող մարդկանցից ամաչի: Զոհվածի քարերի վրայով քայլո՞ւմ են ցեխոտ, կեղտոտ ոտքերով: Կամ էդ զորքերին բերել էր, ի՞նչ աներ: Ջահելները մեզ ասում են` չեք ամաչում, ինչի՞ ամաչենք, որ մեր հողը տվել են, դրա համար ամաչենք»,-ասաց նա:

Զոհվածի մայր Գայանե Խոստեղյանն էլ հավելեց, որ շատ է ցավում Եռաբլուրում հոկտեմբերի 19-ին կատարվածի համար:

«Մենք Եռաբլուր չէինք գնացել վարչապետ ընտրելու: Հետո էնտեղ համազգեստներով թուրքեր կային, ու դա ապացուցված է, ես վախենում եմ, որ էսօր-էգուց Եռաբլուրը կպղծեն և իրոք շատ վախենալու է: Այնտեղ կային զինվորականներ, որ գլուխները կախել էին»,-ասաց նա:

Աղբյուրը՝ news.am