Մամուլում տեղեկություններ են տարածվել, որ մայիսի 31–ի ՀԱԿ հանրահավաքից հետո իշխանություն–ՀԱԿ երկխոսությունն ավելի առարկայական կդառնա։ Նշվում է նաև, որ ՀԱԿ–ի ներսում Լևոն Տեր–Պետրոսյանի կարգադրությամբ արդեն այդ երկխոսությունն իրականացնելու համար աշխատանքային խումբ է ստեղծվելու, որի կազմի մեջ պետք է մտնեն ՀԱԿ անդամ կուսակցությունների ղեկավարները։

«7օր»–ի հետ զրույցում ՍԴՀԿ ատենապետ, ՀԱԿ անդամ Լյուդմիլա Սարգսյանն ասել է, թե առաջին անգամ է նման բան լսում։

–Լինելով շտաբի անդամ՝ ես պետք է որ լսած լինեի, եթե նման բան կա։ Կարծում եմ, որ առայժմ նման որևիցե աշխատանք չի տարվում, իսկ անհրաժեշտության դեպքում դա շատ արագ կարելի է կազմակերպել,–ասել է նա։

7or.am