Ղարաբաղի՝ Ադրբեջանի կողմից վերահսկվող տարածքում գտնվող եկեղեցիներն ու պատմական հուշարձանները վտանգված են: Այդ մասին ռուսական Известия-ի հետ զրույցում ասել է Ամենայն Հայոց Կաթողիկոս Գարեգին Բ-ն:

Նրա խոսքով ՝ Բաքուն հրաժարվում է ՅՈւՆԵՍԿՕ-ի ներկայացուցիչներին թույլ տալ, որպեսզի նրանք կարողանան անձամբ գնահատել ժառանգության շուրջ ստեղծված իրավիճակը։

«Դրա հետ մեկտեղ, ռուս խաղաղապահները բոլոր հնարավոր ջանքերն են գործադրում պատմության եւ մշակույթի հուշարձանների պահպանությունն ապահովելու համար»,-նշել է Ամենայն Հայոց Կաթողիկոսը:

Գարեգին Բ-ն շնորհակալություն է հայտնել Վլադիմիր Պուտինին՝ տարածաշրջանում պատերազմի դադարեցման գործում անձնական ներդրման համար:

«Հայ Առաքելական եկեղեցում ստեղծվել է հատուկ բաժին, որի խնդիրն է վերահսկել միջազգային նշանակության հուշարձանների պահպանությունը»,-հայտնել է նա Известия-ին:

Աղբյուրը՝ yerevan.today