ՀՀ ԱԳ նախարար Արա Այվազյանը տեղյակ չէ փոխվարչապետ Տիգրան Ավինյանի՝ երեկ խորհրդարանում մատնանշած պայմանավորվածությունից:

Հիշեցնենք՝ Տիգրան Ավինյանը հայտարարել էր, որ Հայաստանի և Ադրբեջանի երկու հայտարարությունից բացի՝ կա ճանապարհահատվածին վերաբերող ևս մեկ պայմանավորածություն՝ Դավիթ Բեկ-Գորիս հատվածում, քանի որ ճանապարհը վիճարկելի հատվածներով էր անցնում:

Լրագրողների հետ զրույցում ԱԳ նախարարը նշեց, որ միայն նոյեմբերի 9-ի և հունվարի 11-ի հայտարարություններից է տեղյակ:

Լրագրողի հարցին, թե արտաքին գերատեսչության ղեկավարի համար խնդրահարույց չէ՞, որ տեղյակ չէ նշված պայմանավորվածությունից, ԱԳ նախարարն ասաց, որ արտաքին գերատեսչության ղեկավարը պատասխանատու է արտաքին ոլորտի համար:

«Մեր ոլորտին վերաբերող գործառույթները մենք կատարում ենք լիարժեք»,-ասաց Արա Այվազյանը:

Աղբյուրը՝ aysor.am