Մոլդովայի նախկին վարչապետ Իոն Կիկուն կորոնավիրուսային վարակի հետևանքով առաջացած բարդությունների պատճառով տեղափոխվել է Տիմոֆեյ Մոսնեագի անվան հանրապետական հիվանդանոցի վերակենդանացման բաժանմունք: Այս մասին հայտնում է Gazeta.ru–ն՝ հղում տալով հաստատության մամուլի ծառայության հայտարարությանը:

Կիկուն սոցցանցերից մեկի իր էջում հաստատել է իր հոսպիտալացման մասին տեղեկությունները։

«Մեր երկրում ունենք աշխարհի լավագույն բժիշկները: Ամեն ինչ լավ կլինի։ Բոլորին խնդրում եմ հոգ տանել իրենց առողջության մասին»,-գրել է նախկին վարչապետը:

2020 թվականի դեկտեմբերի 23-ին Կիկուն հայտարարել էր Մոլդովայի վարչապետի պաշտոնից հեռանալու մասին:

Աղբյուրը՝ tert.am