Քրիշտիանու Ռոնալդուի ավագի թևկապը, որը նա գետին Էր նետել Բելգրադում Սերբիայի և Պորտուգալիայի հավաքականների մրցամարտի ժամանակ, 7,5 միլիոն դինարով (63,8 հազար եվրոյով) վաճառվել Է Սերբիայի բարեգործական աճուրդում: Այս տվյալներն ապրիլի 2-ին հրապարակել Է բարեգործական աճուրդի առցանց պորտալը, որտեղ երեք օր շարունակ խաղագումարների պայքար Է ընթացել, տեղեկացնում Է «Արմենպրես»-ը:

Հաղորդվում Է, որ աճուրդը փակվելուց առաջ վերջին րոպեներին թևկապի համար պայքարն ակտիվացել Է: Գինը 6 միլիոն դինարից հասել Է մինչև 7,5 միլիոն դինար, սակայն վերջին վայրկյաններին MozzartBet լոգինով աճուրդի մասնակիցն իր մրցակիցներից առաջ Է անցել նվազագույն 10 դինարով: «Փողը կուղարկվի հիվանդ երեխայի բուժմանը»,-հայտնել են կազմակերպիչները, հաղորդել Է ՏԱՍՍ-ը: