Քաղաքական

14.04.2021 14:13


Բարոյազուրկ ստախոսներից այլ բան չէր կարելի սպասել․ վարչապետն ու ԱԽ քարտուղարն անամոթաբար խեղաթյուրում են իրականությունը․ Օնիկ Գասպարյանն արձագանքել է Փաշինյանին

Բարոյազուրկ ստախոսներից այլ բան չէր կարելի սպասել․ վարչապետն ու ԱԽ քարտուղարն անամոթաբար խեղաթյուրում են իրականությունը․ Օնիկ Գասպարյանն արձագանքել է Փաշինյանին

ՀՀ ԶՈՒ գլխավոր շտաբի նախկին պետ Օնիկ Գասպարյանն անդրադարձել է Նիկոլ Փաշինյանի այսօրվա հայտարարությանը, թե իրականության հետ որևէ աղերս չունի Օնիկ Գասպարյանի` նոյեմբերի 17-ի հայտարարությունը, որ անհրաժեշտ է 2-3 օրվա ընթացքում պատերազմը կանգնեցնել։

«Այլ բան այս բարոյազուրկ ստախոսներից, ըստ էության, չէր կարելի սպասել։ Ես կրկին հաստատում եմ նոյեմբերի 17-ին իմ կողմից կատարված հայտարարությունը։ ՀՀ վարչապետը և ԱԽ քարտուղարն անամոթաբար խեղաթյուրում են իրականությունը, և օգտագործելով իշխանական լծակները, հանրությանը մոլորության մեջ են մտցնում։ ԱԽ նիստերի արձանագրությունները կարող են կեղծվել և ներկայացվել իրենց համար ցանկալի տարբերակով։ Ճշմարտությունն օբյեկտիվորեն կարող է բացահայտվել միայն գործող վարչապետի հրաժարականի և իշխանափոխության դեպքում։ Միայն այդ ժամանակ հնարավոր կլինի պարզել ողջ իրականությունը»,–ասվում է ԶՈՒ գլխավոր շտաբի նախկին պետ Օնիկ Գասպարյանի տարածած հայտարարությունում։

Այս խորագրի վերջին նյութերը