Քաղաքական

26.04.2021 13:57


Ալիև. Այժմ աշխատում ենք Զանգեզուրի տրանսպորտային միջանցքի ուղղությամբ

Ալիև. Այժմ աշխատում ենք Զանգեզուրի տրանսպորտային միջանցքի ուղղությամբ

Ադրբեջանը մտադիր է կայուն խաղաղություն և անվտանգություն ապահովել տարածաշրջանում:

Նման հայտարարությամբ է հանդես եկել Ադրբեջանի նախագահ Իլհամ Ալիևը ՄԱԿ-ի Ասիայի և Խաղաղօվկիանոսյան տարածաշրջանի տնտեսական և սոցիալական հանձնաժողովի 77-րդ նստաշրջանում իր ելույթի ժամանակ, գրում է minval.az-ը:

Նա նշել է, որ Ադրբեջանը կարևոր ներդրում է ունեցել տարածաշրջանային հաղորդակցային նախագծերի իրականացման գործում, ինչպիսիք են Արևելք-Արևմուտք, Հյուսիս-Հարավ և Հյուսիս-Արևմուտք տրանսպորտային միջանցքները:

«Այժմ մենք աշխատում ենք Զանգեզուրի տրանսպորտային միջանցքի ուղղությամբ, որը կդառնա Ադրբեջանի տարածքով Ասիան Եվրոպային կապող Արևելք-Արևմուտք միջանցքի բաղկացուցիչ մաս: Այս միջանցքը կամրապնդի Ադրբեջանի դիրքը որպես Եվրասիայի տրանսպորտային և նյութատեխնիկական ապահովման կենտրոն: Ես հրավիրում եմ Ասիա-Խաղաղօվկիանոսյան ավազանից գործընկեր երկրներին դիտարկելու տարածաշրջանային այս ծրագրի ներուժը»,-շեշտել է Ալիևը:

Աղբյուրը՝ 168.am

Այս խորագրի վերջին նյութերը