Սյունիքի մարզպետ Մելիքսեթ Պողոսյանը պնդում է՝ իրավիճակը Սյունիքում «ոնց գիտենք, այդպես է»։

«Եկել են, պետական սահմանը խախտել են, նստած են իրենց նշված տեղերում»,-կառավարությունում լրագրողներին ասաց Պողոսյանը։

Նրա խոսքով՝ այս պահին մարզում ադրբեջանցիների թիվը հասնում է 100-ի։

Դիտարկմանը, թե նախկին մարզպետ Վահե Հակոբյանը հայտարարել էր՝ 1000-ի է հասնում ադրբեջանցիների թիվը, Պողոսյանն արձագանքեց. «Երևի ինքը տարբեր տեղեր գիտի, ես չեմ իմանում»։

Հարցին՝ հրաման կա՞ գերի չվերցնել ադրբեջանցիներին՝ Սյունիքի մարզպետը խնդրեց հարցն ուղղել բանակին։

Աղբյուրը՝ aysor.am