Հայաստանի ֆուտբոլի ազգային ընտրանին ընկերական խաղերի շրջանակներում մրցեց Շվեդիայի հետ:

«Արմենպրես»-ի հաղորդմամբ` Շվեդիայի ազգային ընտրանին հանդիպման 16-րդ րոպեին բացեց խաղի հաշիվը` աչքի ընկավ Ֆորսբերգը: Վերջինիս փոխանցումից հետո շվեդները կրկնապատկեցին հաշվի առավելությունը 34-րդ րոպեին: Գոլն իր ակտիվում գրանցեց Դանիելսոնը: Խաղի 38-րդ րոպեին Լարսոնը չկարողացավ իրացնել 11 մետրանոց հարվածը` այն հետ մղեց Դավիթ Յուրչենկոն:

Երկրորդ կեսի 64-րդ րոպեին Վահան Բիչախչյանը կարողացավ կրճատել հաշվի տարբերությունը: Սա Բիչախչյանի առաջին գնդակն է ընտրանու կազմում: Բայց շվեդներին հաջողվեց խփել նաև երրորդ գնդակը: 85-րդ րոպեին դիպուկ հարվածով աչքի ընկան Բերգը:

Ավելի վաղ` հունիսի 1-ին, Հայաստանի ընտրանին ընկերական խաղ անցկացրեց Խորվաթիայի հետ և հանդիպումն ավարտեց ոչ-ոքի` 1:1 հաշվով:

Հայաստանի ֆուտբոլի ազգային թիմը աշխարհի առաջնության ընտրական փուլի շրջանակներում հաջորդ հանդիպումը կանցկացնի սեպտեմբերին:

Տեսանյութն՝ այստեղ։