Աշխարհ

22.07.2021 14:59


Բաքվում հրապարակվել է ՌԴ քաղաքացի Է. Դուբակովի դատավճիռը. Ադրբեջանը նրան մեղադրում է Արցախում հայկական կողմից կռվելու համար

Բաքվում հրապարակվել է ՌԴ քաղաքացի Է. Դուբակովի դատավճիռը. Ադրբեջանը նրան մեղադրում է Արցախում հայկական կողմից կռվելու համար

Բաքվի ծանր հանցագործությունների դատարանը հրապարակել է Ռուսաստանի քաղաքացի Էդուարդ Դուբակովի գործով վճիռը: Նա դատապարտվել է 10 տարվա ազատազրկման: Պատժի ավարտից հետո Դուբակովը վտարվելու է Ադրբեջանից, գրում է haqqin.az-ը:

Հայտնի է, որ ադրբեջանական կողմը նրան մեղադրում է Արցախյան պատերազմի ժամանակ «անօրինական զինված խմբավորման կազմում մարտերին մասնակցելու», «ահաբեկչական գործողություններ իրականացնելու», «հանցավոր համաձայնությամբ Ադրբեջանի պետական սահմանն ապօրինի հատելու» համար:

Ավելի վաղ դատախազը Դուբակովի համար պահանջել էր 11 տարվա ազատազրկում ընդհանուր ռեժիմի գաղութում: Դուբակովի փաստաբանը դատալսման ժամանակ հայտարարել էր, որ իր պաշտպանյալը ներգրավված է եղել զորավարժություններում, սակայն չի կռվել Ադրբեջանի զինված ուժերի դեմ:

«Խնդրում ենք այս փաստն ընդունել որպես մեղմացուցիչ հանգամանք»,-ասել էր փաստաբանը:

Դուբակովը ձերբակալվել էր հունվարին:

Աղբյուրը՝ tert.am

Այս խորագրի վերջին նյութերը