Վերաքննիչ քրեական դատարանի դատավոր Արմեն Դանիելյանը մերժել է Քարահունջ համայնքի ղեկավար Մանվել Փարամազյանի պաշտպանների միջնորդությունը՝ դատարանին ինքնաբացարկ հայտնելու վերաբերյալ։ Դատարանի որոշումից հետո պաժտպաններ Լուսինե Սահակյանը և Երվանդ Վարոսյանը դուրս են եկել դատական նիստերի դահլիճից և չեն մասնակցում բողոքի քննությանը։

Ի դեպ, պաշտպաններն ավելի վաղ հայտնել էին, որ եթե դատավոր Արմեն Դանիելյանն ինքնաբացարկ չհայտնի, ապա չեն մասնակցի գործի քննությանը։

Ինչպես արդեն տեղեկացրել ենք՝ հուլիսի 8-ին Մանվել Փարամազյանի բնակարանում խուզարկություն էր իրականացվել, ինչից հետո՝ ժամը 11։15-ի սահմաններում Փարամազյանին բերման են ենթարկել Երևան՝ ԱԱԾ, սակայն ԱԱԾ քննչական դեպարտամենտ է ներկայացվել արդեն հուլիսի 9-ին՝ ժամը 01։24-ին, երբ կազմվել է ձերբակալման արձանագրությունը։ Պաշտպանները բողոքարկել են ձերբակալման իրավաչափության հարցը, սակայն մինչ դատարանը կքններ այն, վարույթն իրականացնող մարմինը մեղադրանք է առաջադրել Փարամազյանին և կալանավորման միջնորդություն ներկայացրել դատարան։ Հուլիսի 10-ին Երևանի ընդհանուր իրավասության դատարանը՝ դատավոր Գագիկ Պողոսյանի նախագահությամբ, բավարարել է Քաջարանի համայնքապետ Մանվել Փարամազյանին կալանավորելու մասին քննիչի միջնորդությունը։ Մանվել Փարամազյանին մեղադրանք է առաջադրվել ՀՀ քրեական օրենսգրքի 38-178-րդ հոդվածի ({արդախություն կազմակերպել) 3-րդ մասով, 311-րդ հոդվածի (Կաշառք ստանալը) 4-րդ մասով և 154.2-րդ հոդվածի (Ընտրողի կամքի ազատ իրականացմանը խոչընդոտելը) 2-րդ մասով:

ԱղբյուրԸ` Փաստինֆո