Այն, ինչ տեղի ունեցավ ԱԺ դահլիճում, հանցագործություն է՝ կազմակերպված Նիկոլ Փաշինյանի կողմից և ՊՊԾ պետ Սարգիս Հովհաննիսյանի անմիջական ներգրավմամբ: Այս մասին ԱԺ-ում լրագրողների հետ ճեպազրույցում ասաց «Հայաստան» խմբակցության քարտուղար Արծվիկ Մինասյանը՝ անդրադառնալով ԱԺ-ում տեղի ունեցած քաշքշուկին:

«Նա կատարել է կոնկրետ հանցագործություն, և սա պետք է ընդունվի որպես հանցագործության մասին պաշտոնական հաղորդում: Անվտանգության աշխատակիցները, անհամաչափ ուժ կիրառելով, անվայելուչ պահվածքով փորձում էին պատգամավոր Աննա Մկրտչյանին դահլիճից հանել: Ես ընդդիմացա, նրանք ոչ միայն չդադարեցին, այլև հարձակվեցին ինձ վրա: Պատռվել է վերնաշապիկս, հարված ստացա ոտքերիս, ճակատիս, սրանք վկայում են, որ գործ ունենք հանցավոր խմբավորման հետ»,-ասաց Արծվիկ Մինասյանը:

Աղբյուրը՝