Facebook ընկերությունը մտադիր է ռիբրենդինգ անել և փոխել անունը, ինչը տեղի կունենա հաջորդ շաբաթ:

Ինչպես հայտնում է The Verge պարբերականը՝ հղում անելով իր աղբյուրին, անվանափոխության հիմնական նպատակն այն է լինելու, որ «մարդիկ Facebook-ն սկսեն ընկալել ոչ թե որպես սոցիալական ցանց, այլ որպես «մետավերս» (վիրտուալ իրականության տարածք, որտեղ օգտատերերը կարող են վիրտուալ միջավայրի և այլ օգտատերերի հետ՝ խմբ.) ընկերություն»:

Ինչպես հայտնում է աղբյուրը, անվանափոխության մասին Մարկ Ցուկերբերգը կհայտնի հոկտեմբերի 28-ին կայանալիք միջոցառման ժամանակ:

Ընկերոթյունում աշխատում է ավելի քան 10 000 մարդ, որոնք ստեղծում են նաև վիրտուալ իրականության ակնոցի տեսակներ, որոնք, ըստ ընկերության, հաջորդ տարի արդեն տարածված կլինեն ամենուր, ինչպես սմարթֆոնները:

Աղբյուրը՝ tert.am