Twitter սոցցանցի օգտատերերն արձագանքել են ամերիկացի գործարար Իլոն Մասկի հարցմանը, որում նա խորհուրդ էր հարցնում, թե արդյոք պետք է վաճառի Tesla ընկերության իր բաժնետոմսերի 10%-ը:

Ինչպես ներկայացնում է BBC News-ը, սոցցանցի ավելի քան 3.5 մլն օգտատեր քվերակել է Մասկի՝ շաբաթ նախաձեռնած հարցմանը: Մասնակցողների մոտ 58 տոկոսը կողմ է քավերակել բաժնետոմսերի մի մասի վաճառքին:

Մասկի բաժնեմասի 10 տոկոսի գինը կամզում է մոտ 21 մլրդ դոլար: Գործարարը խոստացել է հետևել հարցման արդյունքներին: Այս քայլին գնալ գործարարը որոշել է ի պատասխան ԱՄՆ-ում առաջարկվող «միլիարդատերերի հարկի» նոր օրենքի, որի հանդեպ վերջինս քննադատական վերաբերմունք է դրսևորել: Եթե նա իրականացնի վաճառքը, կարող է մեծ հարկային հաշիվ ստանալ: