Այսօր, ժամը 14։00–ից մայրաքաղաքի Մարտիրոս Սարյանի արձանին հարող զբոսագում հավաքվել են «Ժառանգություն» կուսակցության երիտասարդական թևի ներկայացուցիչները, որոնք նախապես հայտարարել էին, թե զբոսայգուց քայլերթով գնալու են  ԱՄՆ դեսպանատուն՝ այդ երկրի նախագահ Բարաք Օբամային ուղղված նամակ հանձնելու նպատակով։

«7 օր»–ի աշխատակցի հաղորդմամբ՝ ակցիայի մասնակիցների թիվը չի գերազանցում 50-55 –ը, սակայն ոստիկանության աշխատակիցները հայտարարում են, թե մասնակիցների թիվը 150–ից ավելի է և արգելում են քայլերթի իրականացումը։