Որքանով հասկացա Շուռնուխի գյուղապետի խոսքերից, Ավինյանի այս խոստումը մեկ ու կես (1,5) տարի անց այդպես էլ չի իրականացվել :

Գյուղապետը ասում է որ գյուղը լքած այն քաղաքացիները , ում տունը նվիրել են ադրբեջանին, դեռ վարձով ապրում են Գորիսում:

«Նրանք այժմ վարձակալությամբ ապրում են Գորիսում եւ սպասում են փոխհատուցմանը, որպեսզի վերադառնան գյուղ»,- ընդգծեց գյուղապետ Հակոբ Արշակյանը:

Էլ չասենք որ խոստացած ճանապարհը այդպես էլ չի գործում:

«Գորիս հասնելու համար մենք դեռեւս օգտվում ենք Մ2 ճանապարհից՝ գնում ենք Որոտան, ապա՝ Խոտ գյուղ: Այդպես նախկին 40 րոպեի փոխարեն մեկուկես ժամում ենք հասնում Գորիս»,- ասաց Արշակյանը:

Մի բան ա եղել` գյուղի խանութը բացվել ա, այն էլ « հաճախ առաքիչները դժվարությամբ են այս ճանապարհներով գալիս, հիմնականում խանութի տերն է իր միջոցներով այլ ճանապարհով է բերում սննունդը»,- ասաց Արշակյանը, այսինքն կառավարության խոստումների հետ կապ չունի, ուղղակի բնակիչն է խանութը բացել ու մի կերպ, երեսի զոռով, պահում է:

Է՞ս էր ապագակաապագան:

Պարոն Ավինյան, էդ քանի՞ տուն եք հանձնել, որ 1,5 տարում չեք կարողանում տեղը կառուցել , թե՞ չեք ուզում գումար ծախսել այնտեղ ինչ-ինչ պատճառներով, թե՞ թուրքը թույլ չի տալիս:

Քրիստինա Նազարյանի ֆեյսբուքյան էջից