Իրանի ատոմային էներգիայի հարցերով կազմակերպության ղեկավար Ֆերեյդուն Աբբասի Դավանին հայտարարել է, թե միջազգային պատժամիջոցները չեն դադարեցնի  իրանական միջուկային ծրագիրը։

–Խաղաղ նպատակներով ատոմի օգտագործումը մենք համարում ենք մեր  օրինական իրավունքը և հաստատակամ մտադիր ենք այն շարունակել։ Ատոմային էներգետիկան նպաստում է Իրանում արդյունաբերության և գիտության զարգացմանը և մենք մտադիր  չենք հարաժարվել նրա զարգացումից,–ասել է նա։

Ինչպես գրում է «ИТАР-ТАСС»–ը, Դավանիի խոսքերով՝ Իրանի նկատմամբ միջազգային պատաժամիջոցների խստացման մասին հայտարարությունները երկիրն ավելի ուժեղ են դարձրել։

–Վերջին 15 տարիների  ընթացքում Իրանը տեսանելի հաջողություների  է հասել, այդ թվում նաև բարձր տեխնոլոգիաների  ասպարեզում, օրինակ, ատոմային էներգետիկան։ Մենք ամբողջ  վճռականությամբ կշարունակենք մեր խաղաղ միջուկային գործունեությունը՝ ուշադրություն չդարձնելով ոչ մի պատժամիջոցի,–ընդգծել է նա։