Վառելիքի չարաշահման դեմ պայքարող բրիտանական Just Stop Oil էկո շարժման անդամները հանրահայտ Մադամ Տյուսոյի թանգարանում շոկոլադե տոթերով հարվածել են Մեծ Բրիտանիայի թագավոր Չարլզ Երրորդի մոմե արձանի դեմքին:

Ինչպես գրում է Daily Mail-ը, տորթերով հարվածելուց հետո ակտիվիստները հանել են վերաշապիկները՝ ցույց տալով Just Stop Oil գրությամբ շապիկները: Այնուհետև նրանք փորձել են պատմել վառելիքի արդյունահանման՝ կլիմայի վրա ունեցած բացասական հետևանքների մասին:

Նշենք, որ Just Stop Oil էկո շարժման ակտիվիստները վերջին շաբաթների ընթացքում իրականացրել են տարբեր բողոքի ակցիաներ: Օրինակ՝ անցյալ շաբաթ նրանք լոլիկի մածուկ են լցրել Վինսենթ վան Գոգի «Արևածաղիկներ» ստեղծագործության վրա, որը ցուցադրվում է Լոնդոնի ազգային պատկերասրահում:

Աղբյուրը՝ tert.am