Արևմտյան շոու բիզնեսի նախկինում ամենագեղեցիկ զույգերից մեկը՝ հոլիվուդյան դերասան Բրեդլի Կուպերն ու մոդել Իրինա Շեյքը, որոնք միասին էին 2015-2019 թթ. և ունեն համատեղ դուստր, «հաստատել» են իրենց վերամիավորումը: Այս մասին գրում է Daily Mail-ը՝ մանրամասնելով, որ զույգը պապարացիների ֆիքսած լուսանկարներում Նյու Յորքի փողոցներով զբոսնում է իրար փաթաթված: Ընդ որում, երեխան նրանց հետ չէ, ինչից կարելի է ենթադրել, որ դա ռոմանտիկ հանդիպում է:

Նրանց միջև վերսկսված սիրավեպի մասին խոսակցությունները թեժացել են այն բանից հետո, երբ Իրինա Շեյքը կիսվել է ամառվա ընթացքում Բահամյան կղզիներում Կուպերի հետ համատեղ հանգստի լուսանկարներով:

Օգոստոսին հաղորդվել է, որ դերասանն ու մոդելը մտածում են ավելի շատ երեխաներ ունենալու մասին:

Բացի այդ, զույգը վերջերս միասին է նշել Հելոուինը. Կուպերն արջի հագուստով, Շեյքը՝ Բեթի Փեյջի գայթակղիչ տեսքով: Հրապարակված լուսանկարում մոդելը նստել է Կուպերի գիրկը:

Աղբյուրը՝ tert.am