Լրահոս

05.12.2022 12:07


Շտապօգնության մեքենան կանչի վայր մեկնելիս վթարի է ենթարկվել․ բժիշկն ու բուժքույրը հոսպիտալացվել են

Շտապօգնության մեքենան կանչի վայր մեկնելիս վթարի է ենթարկվել․ բժիշկն ու բուժքույրը հոսպիտալացվել են

Այսօր՝ դեկտեմբերի 5-ին, ավտովթար է տեղի ունեցել Երևանում։ Ժամը 04։40-ի սահմաններում 59-ամյա Վահան Դ․-ն իր վարած Haise մակնիշի ավտոմեքենայով Բաղրամյան պողոտայի թիվ 58 հասցեի հարևանությամբ դեպի Օրբելի փողոց տանող հատվածում բախվել է բազալտ-բետոնե հենապատին։

Ինչպես հայտնում է shamshyan.com-ը, վթարի հետևանքով Վահան Դ․-ն, նրա ուղևորներ՝ 64-ամյա Արմենուհի Գ․-ն և 26-ամյա Կարեն Ա․-ն մարմնական վնասվածքներով տեղափոխվել են Հերացու անվան թիվ 1 համալսարանական հիվանդանոց

Վթարի փաստով նախաձեռնվել է վարույթ։

Վթարի ենթարկված ավտոմեքենան հաշվառված է շտապօգնության ծառայության հաշվեկշռում։ Վիրավորներից Արմենուհի Գ․-ն բուժքույր է, իսկ Կարեն Ա․-ն՝ բժիշկ։ Ըստ տեղեկությունների՝ նրանք մեկնում էին կանչի վայր։

Այս խորագրի վերջին նյութերը